Skýrslutæknifélag Íslands er félag allra þeirra sem starfa við eða hafa áhuga á upplýsingatækni. Skýrslutæknifélagið, eða Ský eins og það er skammstafað, er félagsskapur, óháður stofnunum þjóðfélagsins eða hagsmunasamtökum. Tölvuorðasafn Skýrslutæknifélags Íslands, sem gefið var út í ritröð Íslenskrar málnefndar 1998, segir um orðið upplýsingatækni (e. information technology): Það að beita viðeigandi tækni við gagnavinnslu. Með tækni er átt við tölvutækni, fjarskiptatækni og rafeindatækni.

Skýrslutæknifélag Íslands var stofnað árið 1968. Stofnendur félagsins voru liðlega 100 manns. Nú eru fullgildir félagar rúmlega níu hundruð.