englishflag

Öldungadeild Ský

Faghópur um varðveislu sögulegra gagna og heimilda um vélræna gagnavinnslu og notkun upplýsingatækni á Íslandi. Öldungadeild Ský var stofnuð 22. júní 2004. Stofnfélagar voru 11, en eru 35 síðla árs 2007. Faghópurinn starfar undir merkjum Ský en hefur eigin stjórn (Öldungagráð) og eigin samþykktir.

Verkefni og tilgangur faghópsins:
Tilgangur og verkefni faghópsins er varðveisla sögulegra gagna og heimilda, í hvaða formi sem er, um vélræna gagnavinnslu og notkun upplýsingatækni á Íslandi. Þetta felur meðal annars í sér að skrá sögu upplýsingatækninnar og að stuðla að því að varðveittur verði búnaður sem þýðingu hefur fyrir söguna. Félagar geta allir orðið sem unnið hafa 25 ár eða lengur á sviði upplýsingatækni. Undantekningar frá þessu ákvæði má gera vegna sérstakra verðleika sem metnir verða af öldungaráði. Umsóknum um aðild má koma til einhvers stjórnarmanna eða á skrifstofu Ský.

Ritun sögu upplýsingatækni á Íslandi
Að frumkvæði Öldungadeildar Ský var ráðist í það stóra verkefni árið 2014 að taka sama sögu upplýsingatækni á Íslandi 1964-2014. Tilefnið er að haustið 2014 voru 50 ár síðan fyrsta alvöru tölvan kom til Íslands og enn margir til frásagnar um hvernig tölvuvæðing á Íslandi hefur verið frá upphafi.  Ritunina annaðist upphaflega Þorgrímur Gestsson en við henni tók 
Anna Ólafsdóttir Björnsson haustið 2015 eftir að Þorgrímur óskaði eftir að hætta í verkinu. Sagan tekur tíu ára tímabil saman og verða ljósmyndir ásamt videóviðtölum einnig hluti af sögunni.

Í ritnefnd eru Arnlaugur Guðmundsson (formaður ritnefndar), Sigurður Bergsveinsson, Frosti Bergsson, Vilhjálmur Þorsteinsson, Gunnar Ingimundarson, Sigríður Olgeirsdóttir, Gísli Már Gíslason, Þorsteinn Hallgrímsson og Arnheiður Guðmundsdóttir.  Búið er að ljúka fyrstu útgáfu af sögunni og verður hún sett upp á vef Ský á vordögum 2016. Einnig skilar rithöfundur af sér tilbúnu eintaki til prentunnar ef svo færi að sagan yrði einnig gefin út á prenti. Verkefnið er fjármagnað af styrkjum og þakkar félagið öllum þeim sem styrkja verkefnið. 

Hér er hægt að sjá Söguvef Öldungadeildar

Hér er hægt að sjá allt um Sögusýningu 30.10.2008

Hér er tengill yfir í heiðursfélaga Ský

Félagsgjöld.
Félagsgjöld í öldungadeild eru engin, en félagar verða að vera skráðir í Skýrslutæknifélagið. Heiðursfélagar Ský greiða ekki félagsgjöld og aðilar utan vinnumarkaðar greiða lægri gjöld.

Stjórn öldungadeildar Ský nefnist öldungaráð.

Í öldungaráði 2016-2017:
Þorsteinn Hallgrímsson, formaður
Jón Ragnar Höskuldsson, meðstjórnandi
Örn Kaldalóns, meðstjórnandi              
Ágúst Úlfar Sigurðsson, meðstjórnandi  
Bergþóra K. Ketilsdóttir, meðstjórnandi  
Bergsveinn Þórarinsson, meðstjórnandi

Í öldungaráði 2015-2016:
Þorsteinn Hallgrímsson, formaður
Jón Ragnar Höskuldsson, meðstjórnandi
Örn Kaldalóns, meðstjórnandi              
Ágúst Úlfar Sigurðsson, meðstjórnandi  
Bergþóra K. Ketilsdóttir, meðstjórnandi  
Bergsveinn Þórarinsson, meðstjórnandi  

Í öldungaráði 2014-2015:
Þorsteinn Hallgrímsson, formaður
Jón Ragnar Höskuldsson, meðstjórnandi
Örn Kaldalóns, meðstjórnandi              
Ágúst Úlfar Sigurðsson, meðstjórnandi  
Bergþóra K. Ketilsdóttir, meðstjórnandi  
Bergsveinn Þórarinsson, meðstjórnandi 

Öldungaráði 2013-2014:
Þorsteinn Hallgrímsson, formaður      
Jón Ragnar Höskuldsson, meðstjórnandi
Örn Kaldalóns, meðstjórnandi             
Ágúst Úlfar Sigurðsson, meðstjórnandi  
Bergþóra K. Ketilsdóttir, meðstjórnandi 
Bergsveinn Þórarinsson, meðstórnandi

Í öldungaráði 2012-2013 sátu:
Þorsteinn Hallgrímsson, formaður    
Jón Ragnar Höskuldsson, meðstjórnand
Örn Kaldalóns, meðstjórnandi              
Ágúst Úlfar Sigurðsson, varamaður       
Sigurður Bergsveinsson, meðstjórnandi 
Bergþóra K. Ketilsdóttir, meðstjórnandi 

Starfsemi faghópsins.

Upphaf faghópsins má rekja til ráðstefnu um sögu tölvunnar á Norðurlöndum sem haldin var í Noregi í júní 2003, en til að undirbúa íslenskt erindi á hana var hóað saman nokkrum hópi manna. Í kjölfar ráðstefnunnar var ákveðið að koma efni erindisins á framfæri á íslensku, og þá auknu að nöfnum og atriðum sem höfða myndu til heimafólks. Að danskri fyrirmynd var síðan ákveðið að búa starfseminni form í faghópi innan SKÝ. Nánar er skýrt frá aðdragandanum í ársskýrslu 2004, en þar kemur fram að haldnir voru 3 fundir það ár. Í tengslum við einn þeirra var haldið í kynnisför í minjasafn Orkuveitu Reykjavíkur, sem hefur að geyma nokkrar gagnavinnsluvélar. Efni sem safnast hefur er birt á vef faghópsins, og hefur það aukist jafnt og þétt enda þótt enn vanti umfjöllun um mikilvæga þætti sögunnar.

Annað brýnt verkefni sem fyrir liggur er að afla aðstöðu til að varðveita hlutlægar minjar, gripi. vélar og pappírsgögn. Þó að nokkuð hafi varðveist á söfnum fer margt forgörðum, til dæmis við tiltektir og áherslubreytingar hjá fyrirtækjum.

Aðalfundargerð 2016
Ársskýrsla 2015
Aðalfundargerð 2015

Ársskýrsla 2014
Ársskýrsla 2013

Aðalfundargerð 2014

Aðalfundargerð 2013

Ársskýrsla 2012
Ársskýrsla 2011

Ársskýrsla 2010
Ársskýrsla 2009
Ársskýrsla 2008    
Ársskýrsla 2007 
Ársskýrsla 2006 
Ársskýrsla 2005  
Ársskýrsla 2004