Þessi síða notar kökur (e. cookies) til að auðvelda þér að vafra um vefinn.

UT verðlaun Ský

Upplýsingatækniverðlaun Ský

Heiðursverðlaun fyrir framúrskarandi framlag til upplýsingatækni á Íslandi

Skýrslutæknifélag Íslands (Ský) veitir verðlaunin og eru þau að danskri fyrirmynd. Veiting þeirra er árleg frá árinu 2010.

---

Valnefnd

Árlega skipar stjórn Ský valnefnd sem hefur sérþekkingu og reynslu á sviði upplýsingatækni. Valnefnd samanstendur af tveimur síðustu verðlaunahöfum, fulltrúa frá samtökum upplýsingatæknifyrirtækja, fulltrúi háskóla, fulltrúi stjórnar Ský ásamt starfandi framkvæmdastjóra Ský.

Skilyrði UT-verðlauna Ský

Allir geta sent inn tilnefningar með því að fylla út sérstakt form: 

SENDA INN TILNEFNINGU

Hægt er að tilnefna einstakling, fyrirtæki eða verkefni sem hefur skarað framúr á sviði upplýsingatækni, skapað verðmæti og auðgað líf Íslendinga með hagnýtingu á upplýsingatækni. Áhersla er lögð á að framlagið hafi þegar sannað sig með afgerandi hætti.

Valnefndin getur einnig sent inn tilnefningar. Hver aðili getur aðeins sent inn eina tilnefningu og skal hún rökstudd. Eftir að fresti til tilnefninga lýkur velur valnefnd þann aðila sem þykir skara framúr og skal hún vera einróma um valið og rökstyðja það vel.

Nýir verðlaunaflokkar fyrir afrek líðandi árs

Til viðbótar við UT-verðlaunin er hægt að tilnefna til nokkurra nýrra aukaflokka og skal miða það við afrek á árinu 2019. Munið að rökstyðja tilnefninguna í texta (ekki setja tengla hingað og þangað).

          UT-Sprotinn 2019
          UT-Stafræna þjónustan 2019
          UT-Tölvuleikurinn 2019
          UT-Fyrirtækið 2019

Senda inn tilnefningar

Eftirtaldar upplýsingar þurfa að fylgja tilnefningum:

1. Tilgreindu þann aðila sem þú telur að hafi skarað framúr á sviði upplýsingatækni og uppfyllir skilyrði tilnefninga.

2. Tilgreindu í hvaða verðlaunaflokk tilnefningin á að fara (UT-verðlaunin eða einhvern af nýju verðlaunaflokkunum).

3. Lýstu af hverju þú tilnefnir viðkomandi (hvert er afrekið) og hvernig hefur það sannað sig með afgerandi hætti. Mundu eftir að rökstyðja vel svo valnefndin eigi auðvelt með að taka afstöðu. Ath. ekki setja inn tengla, einungis tekið við samfelldum texta með rökstuðningi:

4. Nafn og tölvupóstfang þitt:

---

Fyrri verðlaunahafar

Með því að smella á heiti viðkomandi er hægt að sjá rökstuðning valnefndar fyrir valinu

Ragnheiður H. Magnúsdóttir fékk tíundu Upplýsingatækniverðlaun Ský 2019
Verðlaunin voru afhent af forseta Íslands hr. Guðna Th. Jóhannessyni á UTmessunni 8. febrúar 2019.

     Nox Medical var valið UT-Fyrirtækið 2018
     Syndis var valið UT-Sprotinn 2018
     Leggja.is var valið UT-Stafræna þjónustan 2018

Tölvunarfræði Háskóla Íslands og Háskólans í Reykjavík fékk níundu Upplýsingatækniverðlaun Ský.
Mennta- og menningarmálaráðherra Lilja Alfreðsdóttir afhenti verðlaunin í 50 ára afmælishófi Ský 6. apríl 2018.

Aðgerðagrunnur SAReye fékk áttundu Upplýsingatækniverðlaun Ský.
Forseti Íslands hr. Guðni Th. Jóhannesson afhenti Guðbrandi Erni Arnarsyni verðlaunin á UTmessunni.

Skúli Eggert Þórðarson og embætti ríkisskattstjóra fékk sjöundu Upplýsingatækniverðlaun Ský 6. febrúar 2016.
Forseti Íslands hr. Ólafur Ragnar Grímsson afhenti verðlaunin í lokahófi UTmessunnar.

Hjálmar Gíslason fékk sjöttu Upplýsingatækniverðlaun Ský 6. febrúar 2015.
Eggert Claessen, framkvæmdastjóri Frumtaks afhenti verðlaunin á UTmessunni.

Rakel Sölvadóttir fékk fimmtu Upplýsingatækniverðlaun Ský 7. febrúar 2014.
Iðnaðar- og viðskiptaráðherra, Ragnheiður Elín Árnadóttir afhenti verðlaunin á UTmessunni.

Hilmar Veigar Pétursson fékk fjórðu Upplýsingatækniverðlaun Ský 8. febrúar 2013.
Forseti Íslands hr. Ólafur Ragnar Grímsson afhenti verðlaunin á UTmessunni.

Maríus Ólafsson fékk þriðju Upplýsingatækniverðlaun Ský 9. febrúar 2012.
Ari Kristinn Jónsson, rektor HR afhenti verðlaunin á UTmessunni.

Reiknistofa bankanna fékk önnur Upplýsingatækniverðlaun Ský 18. mars 2011.
Forseti Íslands hr. Ólafur Ragnar Grímsson afhenti verðlaunin á UTmessunni.

Friðrik Skúlason fékk fyrstu Upplýsingatækiverðlaun Ský 20. maí 2010.
Gylfi Magnússon Viðskiptaráðherra afhenti honum verðlaunin á UT-deginum.