Radst

Hádegisfundur

 

Hvað er í gangi?
Stafræn framþróun fyrir opinbera aðila

Athugið að viðburðurinn fer fram á ZOOM

12. janúar 2022         kl. 12:00 - 13:30

Verð
Félagsmenn Ský:     2.500 kr.
Utanfélagsmenn:    5.000 kr.
Aðilar utan vinnumarkaðar: 2.500 kr.
 

Kaupa upptöku

fyrirlesarar

Á viðburðinum er farið yfir lausnir sem eru og hafa verið þróaðar fyrir opinbera aðila, ríki og sveitarfélög.

Viðburðurinn er fyrir alla sem áhuga hafa á stafrænni umbreytingu og þróun stafrænna lausna fyrir hið opinbera.

Dagskrá:

11:55   Útsending hefst

12:00   Stafræni verkefnastjórinn C3PO: Um stafræna vegferð og verkefna- og vörustýringu
Reykjavíkurborg hefur sett sér háleit markmið varðandi stafræna vegferð og hluti af því felst í faglegri verkefna- og vörustýringu sem tekst á við allar þær áskoranir á ánægju sem felst í því að starfa í þjónustu við borgarbúa.
Hugrún Ösp Reynisdóttir og Þröstur Sigurðsson, Reykjavíkurborg

12:20   Minni sóun með stafrænni þjónustu
Einar Gunnar mun fara yfir hvernig stafræn þjónusta er umhverfisvænni fyrir ríkisreksturinn og hvernig hægt er að minnka sóun í víðu samhengi. Ráðuneyti og stofnanir þurfa til dæmis að leggja áherslu á að flytja gögn en ekki fólk á milli staða til að bæta upplifun viðskiptavina, geta tekið betri og upplýstari ákvarðanir en ekki síst til að lágmarka kolefnisfótspor sitt.
Einar Gunnar Thoroddsen, fjármála- og efnahagsráðuneytið

12:40   Innskráning fyrir alla!
Hrefna Lind mun fjalla um eitt af lykilverkefnum Stafræns Íslands, innskráning fyrir alla. Hvernig tryggjum við að allir landsmenn geti nýtt sér stafrænar lausnir án þess að fórna öryggi ? Hver er staðan á verkefninu og hverjar eru áskoranir við það.
Hrefna Lind Ásgeirsdóttir, Stafrænt Ísland

13:00   Hluti af lausninni: lögin í nýsköpuninni
Lögfræðingar gegna mikilvægu hlutverki í stjórnsýslunni. En hvert er hlutverk þeirra í stafrænum verkefnum stjórnsýslunnar? Hvaða áhrif hefur það á verkefni að fá lögfræðing inn á lokametrum hönnunar nýrra lausna? Er tæknin með innbyggða lögfræðiþekkingu?
Aldís Geirdal Sverrisdóttir, Reykjavíkurborg

13:15   Stafraen.sveitarfelog.is - lausnatorgið og kistan
Sveitarfélögin eru í formlegu samstarfi um stafræna umbreytingu og hefur vefurinn stafraen.sveitarfelog.is verið í þróun um nokkuð skeið þar sem sveitarfélög geta miðlað nettum lausnum, reynslusögum, leiðbeinandi efni og verklagi sína á milli. Hrund mun einnig segja frá áhættugreiningu kennsluhugbúnaðar sem þróað hefur verið á vefinn og nýst getur öllum skólum landsins.
Hrund Valgeirsdóttir, Samband íslenskra sveitarfélaga

13:30   Fundarslit

Fundarstjóri: Íris Huld Christersdóttir, fjármála- og efnahagsráðuneytið

Kaupa upptöku

Ský - Skýrslutæknifélag Íslands (The Icelandic Computer Society)
480870-0189 | Engjateigi 9 | 105 Reykjavík | 553 2460 | sky@sky.is