Vefhönnun og siðfræði við hönnun þjónustu- og tæknilausna

Kaupa upptöku

Vefurinn er eitt lykilatriða þess að fylgjast með því sem er að gerast í samfélaginu. Verslun og þjónusta í bland við almennar upplýsingar og afþreyingu hefur í auknum mæli færst yfir á vefinn. En hverjir geta tekið þátt? Hvenær er verið að hanna fyrir notandann og er ásættanlegt að hanna lausnir fyrir suma en ekki alla? Er algild hönnun möguleg eða skylda?

Dagskrá: 

11:50   Húsið opnar

12:05   Fundur settur og hádegisverður borinn fram

12:20   Sjálfstætt fólk og vefarinn mikli
Í erindinu verður leitast við að varpa ljósi á siðferðileg álitaefni sem tengjast áhrifum stafræns umhverfis á hugsun, val og athafnir einstaklinga. Stafræna byltingin hefur á margan hátt skapað bættar forsendur fyrir frjálsu samfélagi, en mikilvægt er að huga að því hvernig hversdagsleg vefnotkun, markaðssetning og söfnun persónuupplýsinga á netinu getur ógnað einstaklingsfrelsi. Varpað verður fram spurningum um hagsmuni, skyldur og ábyrgð í þessu sambandi.
Páll Rafnar Þorsteinsson, Siðfræðistofnun Háskóla Íslands

12:40   Hvers vegna skiptir algild hönnun máli?
Í þessu erindi verður skoðað hvernig hindranir hafa áhrif á líf okkar ásamt því að fjalla um algilda hönnun. Með þeirri nálgun er sett fram leið til að bregðast við hindrunum og greiða fyrir aðgengi ólíkra hópa að gæðum samfélagsins. Jafnframt verður rakið hvernig mikilvægi aðgengis fyrir alla er viðurkennt í alþjóðlegum mannréttindasáttmála sem Ísland á aðild að.
Ástríður Stefánsdóttir, Menntavísindasvið Háskóla Íslands

13:00   Ný veröld: hindranir og áskoranir fatlaðs fólks í stafrænum heimi
Oft er fjallað um tæknilausnir og stafræna framþróun eins og stóra lykilinn að samfélagi án hindrana. Miklar vonir eru bundnar við snjöll hjálpartæki, raddstýringar, tækni sem ekki geri mannamun og fleiri lausnir sem bæði eigi að einfalda líf fólks og lækka kostnað í velferðarþjónustu. Hvernig er reynsla fatlaðs fólks, og sér í lagi fólks með þroskahömlun, að þessari nýju veröld?
Inga Björk Margrétar Bjarnadóttir, Þroskahálp

13:20   Þróun á stafrænum lausnum nútímans með áherslu á aðgengismál
Þróun stafrænna lausna nútímans með áherslu á aðgengismál, er erindi fyrir hönnuði, forritara og alla sem hafa áhuga á að búa til stafrænar vörur sem eru aðgengilegar öllum. Erindið mun fjalla um efni eins og hvernig á að hanna og þróa fyrir aðgengi, hvernig á að prófa aðgengi og hvernig á að gera vörur þínar aðgengilegar fötluðum.
Jón Bjarni Ólafsson og Unnur Sól Ingimarsdóttir, Origo

13:40   Umræður

14:00   Fundarslit

Fundarstjóri: Björn Gíslason, Markaðs- og samskiptasvið Háskóla Íslands

Kaupa upptöku