Hádegisfundur um stjórnsýslu

Hádegisverðarfundur 29. ágúst 2006
Umræðutorg, netspjall og rafrænar kannanir
Grand Hótel, þriðjudaginn 29. ágúst n.k.

Nú er lokið tilraunaverkefnum á vegum forsætis- og félagsmálaráðuneytis sem fólust í að kanna hvernig og á hvaða sviðum auka megi samráð og samskipti milli almennings og opinberra aðila. Verkefnin unnin voru af félagsmálaráðuneytinu og sveitarfélaginu Garðabæ.

Í stefnun ríkisstjórnarinnar um upplýsingasamfélagið 2004-2007, Auðlindir í allra þágu,er fjallað um hvernig styrkja megi lýðræðislega stjórnarhætti með þeim möguleikum sem ný tækni býður upp á og stuðla að auknum gæðum í stjórnsýslunni. Ofangreindar tilraunir voru afar lærdómsríkar og á þeirra grunni hefur Verkefnisstjórn um upplýsingasamfélagið mótað leiðbeiningar um hvernig hægt er að standa að auknu samráði og samskiptum milli opinberra aðila og almennings.

Á fundinum voru niðurstöður tilraunaverkefnanna og ofangreindar leiðbeiningar kynntar. Að auki var stutt innlegg frá samgönguráðuneyti og fleiri aðilum um reynslu þeirra á þessu sviði.