Netárásir - Hvað gerðist og hvað segir fólk að hafi gerst?

Breytast upplýsingarnar á leiðinni eins og í hvísluleik? Hvað gerðist í alvörunni, hvernig er rætt um atvikið í samfélaginu. Hverjir geta haft áhrif á umræðuna og hvaða upplýsingar eru það sem skipta máli fyrir almenning að vita? Skiptir máli að segja ítarlega frá tæknilegu hliðinni á málinu? Er betra fyrir orðsporið að segja meira eða minna? Er þitt fyrirtæki búið að ákveða hvernig yrði fjallað um netárás eða gagnaleka?

Dagskrá:

11:50   Húsið opnar

12:00   Fundur settur, hádegisverður borinn fram og tengslanetið styrkt

12:20    Þegar þú skiptir um gleraugu
Farið er yfir atvikið sem átti sér stað í janúar á þessu ári í HA í stuttu máli. Þá er einnig farið yfir viðhorfsbreytingu sem átti sér eftir að hafa lent í þessari netárás.
Gunnar Ingi Ómarsson, verkefnastjóri tæknimála hjá Háskólanum á Akureyri

12:40   Stöðugt flæði upplýsinga
Samskipti við viðskiptavini og hagaðila hafa breyst hratt á undanförnum árum með nýjum áskorunum á borð við netsvik og netárásir. Mikilvægt er að hafa vel skilgreinda stefnu svo hægt sé að bregðast við með skjótum og öruggum hætti.
Edda Hermannsdóttir, markaðs- og samskiptastjóri Íslandsbanka

13:00   Fjölmiðlar - vinur eða óvinur
Netárásir og viðbrögð fyrirtækja frá sjónarhóli fjölmiðla.
Kolbeinn Tumi Daðason, fréttastjóri Stöðvar 2, Vísis og Bylgjunnar

13:20   Hvað er hægt að læra af leiðtogafundinum?
Nýafstaðinn leiðtogafundur Evrópuráðsins var áskorun fyrir Ísland. 
Guðmundur Arnar Sigmundsson, forstöðumaður netöryggissveitarinnar CERT-IS

13:40   Pallborðsumræður

14:00   Fundarslit

Fundarstjóri: Elísabet Árnadóttir, atNorth