Stelpur og tækni (Girls in ICT Day)
3. maí 2018
Árlega standa HR, Ský og SI fyrir "Stelpur og tækni" deginum en hann er haldin um alla Evrópu í lok apríl ár hvert.
Tilgangur dagsins er að vekja athygli ungra stúlkna á tölvu- og tæknigreinum.
Dagurinn hefur verið haldin árlega frá 2014 en það ár var um 100 stelpum í 8. bekk boðið í vinnustofur í HR og síðan fóru þær og heimsóttu 4 tæknifyrirtæki á Reykjavíkursvæðinu.
Árið 2015 voru um 100 stelpum í 9. bekk boðið að taka þátt og voru um 4 tæknifyrirtæki með það ár.
2016 komu um 400 stelpur úr 9. bekk og tóku þátt í deginum, bæði frá Reykjavík og Austurlandi. Um 20 tæknifyrirtæki tóku síðan á móti þeim í lok dags.
2017 tóku HR, Ský og SI á móti tæplega 400 stelpum úr skólum á höfuðborgarsvæðinu og fóru þær í vinnustofur og síðan í heimsókn til um 20 fyrirtækja.
