Microsoft tókst ekki að tryggja sér nauðsynlegan meirihluta atkvæða í tækninefndinni INCITS þar sem kosið var um hvort nefndin ætti að leggja til innan ISO að OpenXML skjalasnið Microsoft yrði alþjóðastaðall. Mikið er lagt undir til að ná þessu marki þar sem Open Document Format, ODF, skjalasniðið í Open Office er þegar orðið að ISO staðli, og Microsoft vill að sitt snið fái líka þann stimpil.
Google hefur bætt skrifstofuvöndlinum StarOffice 8 í hugbúnaðarpakka þann sem fyrirtækið gefur. SUN hefur lengst af verið á bakvið StarOffice en vöndlinum er ætlað að keppa við Microsoft Office. Eins og vænta má er pakkinn ansi fyrirferðamikill í niðurhali.
Sjá nánar og SUN og Google Pack
Eldhús eru tækjavæddustu vistaverur heimilsins, og hátækni á þar greiða leið inn. Hér er samantekt á tíu afar nýstárlegum eldhústækjum og þó kökuspaði sem spilar lög sé kannski ekki praktískur þá er annað gagnlegt.
Þó að WiFi og DECT sé kannski það kunnasta í skammdrægum, þráðlausum fjarskiptum er ýmislegt fleira í boði, eða alveg að koma á markað. Þar á meðal er þráðlaust USB og Zigbee, auk þess sem verið er að betrumbæta Bluetooth þessa dagana.
Prófessor í eðlisfræði hefur sett fram líkan sem á að styðja kenningu hans um að tímflakk sé mögulegt. Samkvæmt því ætti að vera hægt að búa til vél til að ferðast tilbaka í tíma. Eins og gefur að skilja er kenningin umdeild, og þetta nýja útspil kallar á enn meiri umræður.