Þeir sem standa á bakvið háskerpu DVD tæknina HD-DVD og Blu-ray, ætla að beita mjög flóknum en jafnframt hörkulegum aðferðum til að hindra afritun og spilun ef tæki notenda uppfylla ekki strangar kröfur. Sony gæti sem dæmi lamað öll eintök af tilteknum DVD spilurum ef grunur er um að afritunarvörnin hafi verið rofin.
Sú saga gengur nú fjöllunum hærra að Microsoft sé í viðræðum við eBay um kaup á uppboðsvefnum. Hugmyndin er að láta eBay renna saman við MSN og styrkja stöðu Microsoft gagnvart Google.
Sky hóf sjónvarpsútsendingar í háskerpu, HDTV, mánudaginn 22. maí og BBC kannaði hvernig áhorfendum líkaði. Fyrst í stað er verið að sjónvarpa íþróttum með þessari nýju tækni og nokkrar kvikmyndir hafa einnig gefið tóninn.
Vestur í BNA er atvinnuleysi meðal þeirra sem starfa við UT nánast ekkert. Þegar skannað er hvað þykir eftirsóknarverðast hjá vinnuveitendum kemur í ljós að kunnátta í Linux og á ýmsum hliðum viðskiptalífsins svo og verkefnastjórnun er þar efst á blaði.