Núna er um ár liðið frá því Evrópusambandið beitti tilskipun á aðildaþjóðirnar til að lækka svokölluð reikigjöld í farsímum og núna á að taka fyrir SMS og setja þak á reikigjöldin. Áður hafði verið hvatt til þess að fjarskiptafyrirtækin gerðu þetta sjálfviljug en undirtektir hafa litlar verið og því stefnir í aðgerðir í Brussel.
Netsérfræðingur hjá borgaryfirvöldum í San Francisco brást við athugasemdum um framferði sitt með því að breyta aðalaðgangsorðinu inn á fjarskiptanet borgarinnar og heldur því í gíslingu, og neitar að gefa það upp þrátt fyrir að vera settur inn. Utanaðkomandi hjálp hefur verið kölluð til en einhverjar vikur gæti tekið að opna kerfið.
Amazon setti ekki alls fyrir löngu á markað sérhæfða tölvu sem nota má til að lesa bækur í rafrænu formi. Þó að tölvan sjálf, og önnur ámóta frá Sony hafi sett mark sitt á bókamarkaðinn er raunin að markaðshlutdeild er afar lítil. Það lítur því út fyrir að bækur í hefðbundnu formi séu ekki á förum, ólíkt tónlist og myndum á diskum.
Fjöldi fólks heldur úti bloggi og margir vefjir sérstaklega gerðir í slíkt. Til þess að gera ný leið í þessum efnum er það sem kalla má örblogg en með því má senda færslur frá farsíma á slíka síðu. Twitter er kunnast en margar aðrar svipaðar hafa sprottið upp að undanförnu.
Gadget Inspectors hjá Daily Telegraph fengu eintak af 3G iPhone í hendurnar og prófuðu græjuna með tilliti til hvað hafði breyst frá fyrstu kynslóð. Útlitslega var nær ekkert að sjá en önnur saga þegar tengt var við þriðju kynslóðar net og GPS prófað.