Félagsaðild

Ský er félag fyrir fólk og fyrirtæki í upplýsingatækni.
Við miðlum þekkingu og tengjum fólk sem starfar í eða hefur áhuga á upplýsingatækni. Hlutverk Ský er að bjóða upp á fjölbreytta og metnaðarfulla viðburði í formi fræðslufunda og ráðstefna um upplýsingatækni og hlúa að því öfluga þekkingar- og tengslaneti sem myndast hefur innan félagsins.

Félagið býr yfir fjölmennu tengslaneti og heldur árlega milli 25-30 viðburði um það sem hæst ber í tæknigeiranum hverju sinni. Stærsti viðburður Ský er UTmessan, ráðstefna og sýning um tækni bæði fyrir fagfólk og almenning. Félagið veitir UT-verðlaunin árlega, heldur úti UTvarpinu og og sinnir fjölbreyttum verkefnum sem styðja við þróun tæknigeirans. Ský gefur út tímaritið Tölvumál bæði á vef félagsins og prenti. Auk þessa sér Orðanefnd Ský um að gefa út íslenskar þýðingar á hugtökum tengdum tölvugeiranum í Tölvuorðasafnið sem hýst er á vef Árnastofnunar.

• Félagsaðild í Ský er alltaf skráð á einstakling, jafnvel þó fyrirtæki greiði félagsgjaldið.
• Aðildin fylgir einstaklingnum þó hann skipti um starf.
• Fyrirtæki og stofnanir eru ekki félagar í Ský heldur eru það starfsmennirnir sem eru skráðir.
• Skilyrði fyrir afslætti á viðburði er að sami greiðandi sé fyrir félagsgjaldið og viðburðinn.
• Árgjöld fylgja almanaksárinu og eru rukkuð eftir aðalfund í febrúar ár hvert.

1. Á vegum fyrirtækis. Fyrirtækið greiðir félagsgjaldið.
2. Sem einstaklingur. Einstaklingurinn greiðir félagsgjaldið sjálfur.

Virkir félagar eru þeir sem greiða árgjöldin og skilyrði fyrir afsláttum á viðburði að félagsgjald ársins sé greitt. 

• Veglegur afsláttur á viðburði og ráðstefnur (t.d. UTmessuna)
• Tækifæri til tengslamyndunar við fólk í tæknigeiranum
• Aðgangur að faghópum og faglegu starfi innan félagsins
• Aðgangur að lokuðum viðburðum, t.d. heimsóknum til fyrirtækja
• Tækifæri til að starfa í stjórn faghópa og undirbúningsnefndum viðburða
• Þátttaka í ritnefnd og orðanefnd
• Áskrift að Tölvumálum, fagtímariti um tækni
• 10% afslátt af námskeiðum hjá Opna háskóla HR
• Afsláttur af völdum námskeiðum hjá Akademias

Aðild að félaginu er öllum opin og hægt að skrá sig í félagið hvenær sem er.   Ef þú vilt breyta skráningunni þinni á einhvern hátt svo sem skrá þig í eða úr faghópum, annan greiðanda eða úr Ský þarf að senda tölvupóst á sky@sky.is