Þarf stafræna liðið að pæla í sjálfbærni?
Hvernig mætast þessi tveir heimar og getum við gert betur?
Litið hefur verið á stafrænar lausnir sem svar við vanda tengdum sjálfbærni. Við spörum pappír, minna skutl með umsóknir og fylgigögn, vinnum í skýinu, fjarfundir, o.s.frv. En sjálfbærni er meira en kolefnisfótspor og „flokkum og skilum“.
Við hönnun stafrænna lausna hefur fókusinn verið á notandann og viðskiptin en ekki á sjálfbærni lausnanna eða hvernig þær vinna með (eða gegn) t.d. heimsmarkmiðum Sameinuðu þjóðanna.
Á þessum fundi verður reynt að svara hvað stafræn sjálfbærni er, hvernig upplýsingatæknin getur lagt sitt á vogarskálarnar sérstaklega þegar litið er til heimsmarkmiðanna.
Dagskrá:
11:50 Húsið opnar
12:00 Fundur settur, hádegisverður borinn fram og tengslanetið styrkt
Þarfir og afleiðingar: Að draga fram neikvæð áhrif í hönnunarferli.
Thorsten Jonas, Sustainable UX, AI & Innovation Consultant
Erindið fjallar um sjálfbærni og mikilvægi hennar í síbreytilegum heimi. Tekin verða dæmi um sjálfbærni í tengslum við upplýsingatækni.
Hafdís Hanna Ægisdóttir, Sjálfbærnistofnun Háskóla Íslands
Stafræn þróun stuðlar að sjálfbærni í eðli sínu. Það er augljóst að stafræn lausn sem eykur hagkvæmni, sparar flutning milli staða og tilheyrandi vinnuafl stuðlar að sjálfbærni. Það sparar orku og tíma og sýnt hefur verið fram á að stafrænar lausnir stuðli að jafnræði. Einfalt, ekki satt?
Arndís Thorarensen, Júní
Við reynum öll að stuðla að sjálfbærri þróun og vinna að heimsmarkmiðum SÞ. En hvernig getum við best samræmt okkar vinnu og hraðað árangri? Sjálfbært Ísland er samstarfsvettvangur stjórnvalda, vinnumarkaðar og félagasamtaka, sem reynir að svara þessari spurningu.
Eggert Benedikt Guðmundsson, leiðtogi sjálfbærrar þróunar hjá forsætisráðuneytinu
13:40 Umræður
14:00 Fundarslit
