Faghópar og nefndir
Reglur Ský um faghópa
Faghópar Skýrslutæknifélags Íslands starfa á sérstökum, afmörkuðum sviðum og skapa félögum vettvang til kynninga, skoðanaskipta og framkvæmda. Hóparnir starfa sjálfstætt í samráði við stjórn Ský. Ávinningur af samstarfi við Ský er m.a. sú margvíslega sérþekking sem er að finna innan félagsins, erlend tengsl og aðstaða og aðstoð sem félagið getur veitt faghópum.
Réttindi faghópa eru:
- Skrifstofa Ský getur annast fundaboðun.
- Ský getur lagt fram aðstöðu fyrir fundi og útvegað veitingar.
- Skrifstofa Ský sér um útsendingar til þátttakenda í faghópnum.
- Skrifstofa Ský svarar fyrirspurnum og gefur upplýsingar um starf faghópanna.
- Skrifstofa Ský veitir aðstoð við stærri viðburði.
- Aðgangur að tímariti félagsins, Tölvumálum, í samráði við ritstjórn þess.
- Aðgangur að heimasíðu félagsins, í samráði við framkvæmdastjóra.
Skyldur faghópa eru:
- Faghópar skulu starfa í samræmi við markmið Skýrslutæknifélags Íslands.
- Þátttakendur í faghópum eru félagar í Ský.
- Faghópar skila skýrslu um starf árlega, t.d. munnlega til stjórnar Ský og með grein í tímarit félagsins, Tölvumál.
- Telji faghópur æskilegt að einhver viðburður í starfi hans nái til fleiri en meðlima hópsins, gerir hann tillögu til stjórnar Ský
ásamt ábendingu um heppilega tímasetningu. Stjórn Ský samræmir slíkar tillögur til þess að starfsemi verði sem
hnitmiðuðust og felur faghóp síðan framkvæmd í samstarfi við fulltrúa stjórnar og framkvæmdastjóra eftir því sem ástæða
er til.
