Árlega eru Tölvumál gefin út á prenti og leitar ritnefnd eftir greinum í blaðið sem kemur út í haust þar sem þemað verður „Hönnun og endurhönnun á hugbúnaði“  en greinar um annað efni eru auðvitað vel þegnar. Leitað er eftir greinum sem fjalla um upplýsingatækni á breiðum grundvelli  en ekki kynningu á vöru eða fyrirtæki. 

Tímaritið Tölvumál hefur verið gefið út af Skýrslutæknifélaginu frá árinu 1976 og er eina óháða tímaritið sem gefið er út á Íslandi um tölvutækni. Vikulega birtast stuttar greinar í Vefútgáfu Tölvumála  á forsíðu Ský og geta allir sent inn greinar sem vilja.

Nafn greinar þarf að vera stutt og laggott og nafn og starfsheiti höfunda(r) að fylgja. Millifyrirsagnir eru mjög æskilegar; þær bæta útlit og framsetningu efnis.

Mynd af höfundi(um) er nauðsyn og æskilegt er að hafa einnig aðrar myndir. Eftir að grein hefur verið send á ritstjóra fer hún í yfirlestur, gert er ráð fyrir að höfundar vandi málfar sitt en ritnefnd áskilur sér rétt til að laga augljósar ritvillur. Æskileg lengd greina í prentútgáfu Tölvumála er 1-2 síður, eða u.þ.b. 1000-1200 orð. Nánar má sjá um frágang greina undir Tölvumál hér efst á síðunni. 

Skilafrestur fyrir greinar fyrir prentaða útgáfu er 2. október 2015 (má gjarnan senda fyrr) og skal senda greinar á asrun@ru.is ásamt öllum fyrirspurnum varðandi Tölvumál.

Ef þú þekki til góðra penna væri vel þegið benda þeim einnig á að senda greinar í Tölvumál um upplýsingatækni, bæði fyrir blaðið og vefinn okkar og einnig stendur til að fjölga í ritnefndinni og nýir meðlimir velkomnir.

Nokkur auglýsingapláss eru laus í blaðinu. Verð og nánari upplýsingar til auglýsenda.

Fyrir hönd ritnefndar
Ásrún Matthíasdóttir, asrun@ru.is