Gagnastjórnun í hraðari heimi

Gögn hafa aldrei verið jafn aðgengileg og möguleikarnir til að nýta þau aldrei fleiri. Sjálfsafgreiðsla í greiningartólum og erindrekar sem vinna verkefni sjálfstætt breyta því hvernig við störfum. En hvernig tryggjum við að hægt sé að treysta niðurstöðunum?

Á fundinum skoðum við hvers vegna gæði gagna, skýrt eignarhald og góð gagnastjórnun eru ekki óþarfa flækjustig heldur lykillinn að því að nýta þessa nýju möguleika af öryggi.

Dagskrá:

11:50   Léttur hádegisverður (fyrir framan Kaldalón) og tengslanetið styrkt

12:15   Spyrjum bara gervigreindina: Af hverju góð gögn duga ekki alltaf
Í fyrirlestrinum verður farið yfir hvernig uppbygging gagnainnviða Smitten og gæðastýring gagna hafa lagt grunn að bættri þjónustu við viðskiptavini félagsins. Þá verða sýnd dæmi um hvernig gervigreind getur lagt rangt mat á staðfest gögn og mistúlkað þau þegar viðskiptalegt samhengi skortir.
  Sverrir Ingi Sigþórsson, Smitten

12:35   Bremsurnar gera okkur fær um að keyra hratt
Eignarhald, gæði og traust á gögnum á tímum margfaldaðs hraða.
  Camilla Ósk Hákonardóttir, Embla Medical

12:55   Stutt hlé og fyllt á kaffibollann

13:00   
Í vinnslu
  Davíð Jóhannsson, Landsbankinn

13:20   Nýji viðskiptavinurinn er agent: Hvað þurftum við að byggja?
Notendur gagna vilja grafa dýpra en mælaborðin leyfa og eru í auknum mæli farnir að spyrja agenta. Hvað þarf að vera til staðar þegar nýr lesandi gagnanna er ekki manneskja?
  Ólafur Konráðsson, Fenris Creations

13:40   Umræður

14:00   Fundarslit

Fundarstjóri:
  Helgi Skúli Friðriksson, Varist