Bill Gates stofnandi Microsoft sagði árið 1996 þar sem hann lýsti internetinu sem markaðstorgi fyrir efni “Content is king”. Er efni enn konungur internetsins eða skiptir fjöldi notenda meira máli en vel gert efni?
Hádegisfundurinn hentar vel þeim sem starfa við miðlun og gerð efnis hvort sem um er að ræða í rituðu efni, hljóðvarpi eða myndböndum.
Dagskrá:
11:50 Húsið opnar
12:00 Hádegisverður
12:10 Að sóa tíma á internetinu
Er hægt að búa til gott efni fyrir internetið eða er stafrænt efni að mestu rok og kliður og óróleg keppni um athygli okkar? Hver er munurinn á hliðrænum (analóg) miðlum og þeim stafrænu? Sverrir Norland viðrar stuttlega nokkrar hugleiðingar sem byggjast á bók hans, Stríð og kliður, og kúrsinum „Stefnumót menningar og stafrænna miðla“ sem hann kennir við Háskóla Íslands.
Sverrir Norland
12:30 RÚV.is fyrir þriðja áratuginn
Nýr vefur RÚV fór í loftið seint á síðasta ári. Í erindinu verður farið yfir þær áherslur sem lagðar eru á vefnum og hvernig tíðarandinn breytist og væntingar neytenda um leið.
Birgir Þór Harðarson, RÚV
12:50 Tíu ráð til að hætta að drepa fólk og byrja að vaska upp
Nokkrir stórir vinnustaðir eiga það sameiginlegt að þar hefur um langt árabil áherslan í kynningarmálum, markaðssetningu og samskiptum verið á sagnamennsku eða „storytelling/content marketing“. Forstöðumaður samskipta- og markaðssviðs Háskólans í Reykjavík var ráðinn þangað inn til að styrkja vísindamiðlun háskólans og stilla upp lítilli „fréttastofu“. Hann segir okkur frá því hvernig gengur og veltir vöngum yfir sýnidæmum og tölfræði.
Stefán Hrafn Hagalín, Háskólinn í Reykjavík
13:10 Hvernig á að skrifa fyrir fólk?
Stutt spjall um mikilvægi þess að tvinna notendamiðaða textagerð markvisst inn í hönnunarferli stafrænna lausna. Skilvirk og aðgengileg upplýsingagjöf er einn af hornsteinum þess að veita góða þjónustu.
Birta Svavarsdóttir, Reykjavíkurborg
13:30 Umræður
13:45 Fundarslit
Fundarstjóri: Halla Kolbeinsdóttir, Mennsk ráðgjöf
