Skrifstofa Ský er lokuð til og með 16. mars.  Hægt er að senda erindi á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  

Ég vil hafa bækur á pappír! Ég er bara þannig gæi. Ég verð þó að viðurkenna að ég nota stundum rafbækur og þá helst pdf-útgáfur af bókum og þá sérstaklega kennslubókum þegar það á við. Ég verð líka að viðurkenna að ég gef út kennslubækur á netinu á pdf-form (sem flestir lesendur þeirra prenta út held ég) og er ekki alveg sjálfum mér samkvæmur í rafbókamálum.

Ég er enginn spámaður, það hefur reynslan sýnt. Mér er í minni þegar Ingvar félagi minn árið 1993 eða 94 kynnti fyrir mér og dásamaði vefráparann Mosaic. Ég hristi hausinn og hugsaði með mér hvað hann væri nú óþreytandi í mismikilvægum pælingum. Aðrar merkar tækninýjungar hafa líka farið framhjá mér í upphafi og ég er eiginlega svo miður mín yfir  skammsýni minni að ég ætla ekki að tíunda það hér.

Nú velti ég því fyrir mér hvort ég eigi að fara að skoða sérstök tæki til að birta mér rafbækur. Helstu slík verkfæri sem hafa verið kynnt undanfarin ár tengjast stóru bókasölunum á vefnum, Amazon og Barnes & Noble, tækin eru Kindle og Nook. Nú er kominn iPad og við getum velt því fyrir okkur hvort hann muni breyta landslaginu í rafbókum.

 Á fundi Skýrslutæknifélagsins þann 16. desember sl. voru kynntar niðurstöður í nýjustu úttekt forsætisráðuneytisins á opinberum vefjum. Á ut-vefnum er nú að finna skýrslu um niðurstöður könnunarinnar, glærur frá ráðstefnunni og niðurstöður fyrir einstakar stofnanir og sveitarfélög þar sem möguleiki er á að bera sig saman við aðrar stofnanir eða meðaltöl ýmissa hópa.

Sjá nánar á http://www.ut.is/konnun2009/

 History of Nordic Computing

Ráðstefna um sögu upplýsingatækninnar á Norðurlöndum, hin þriðja í röðinni, HiNC3, verður haldin í Stokkhólmi dagana 18. - 20. október næstkomandi. Ráðstefnan er haldin umdir merkjum vinnuhóps 9.7 hjá IFIP (International Federation for Information Processing), og skipulögð af sænska Skýrslutæknifélaginu í samvinnu við tölvunarfræðideildir háskólanna í Stokkhólmi.

Öldungadeild SKÝ, sem var reyndar stofnuð í framhaldi af fyrstu ráðstenunni (HiNC1, Þrándheimi 2003), stendur fyrir því að kynna málið hér á landi og finna fyrirlesara. Í dagskrár- og ráðgjafarnefndum eru þrír Íslendingar, Stefán Pálsson, sagnfræðingur, Páll Jensson prófessor og Jóhann Gunnarsson skýrsluvélafræðingur.

Vefur ráðstefnunnar er http://dsv.su.se/en/hinc3/ og áhugahópur á Facebook er http://www.facebook.com/group.php?gid=247313569567.

Frestur til að skila inn erindum eða 500 orða ágripum er til 28. febrúar næstkomandi.

Jóhann Gunnarsson
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Óskað er eftir félögum í Ský sem hafa áhuga á að taka þátt í að undirbúa viðburði á vegum félagsins.  Ákveðið hefur verið að setja á legg sérstaka undirbúningsnefnd til að sjá um viðburðina "Á leiðinni heim....."  í vetur sem voru mjög vinsælir síðastliðinn vetur, sérstaklega  örnámskeiðin.  

Áhugasamir eru beðnir um að setja sig í samband við skrifstofu félagsins með því að senda tölvupóst á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.