Í gegnum árin hafa kvikmyndir byggðar á vísindaskáldsögum alltaf laðað að. Þegar rýnt er í lista yfir tekjuhæstu kvikmyndir allra tíma eru 5 af 10 efstu vísindaskáldsögur. Í mörgum af þessum myndum sjáum við tækni sem ekki er til í raun og veru. Við gerð stærstu myndanna er fjöldi fræðimanna fenginn til að spá fyrir um það hvernig tæknin gæti verið á tíma myndarinnar. Þeim tekst misvel að spá fyrir um tæknina. Stundum hafa þeir rétt fyrir sér en oftar en ekki fara þeir aðeins fram úr sér. Hér fyrir rýnum við 5 kvikmyndir sem okkur þótti hafa skarað fram úr í því að spá fyrir um tækni framtíðarinnar.

Hugtakið digital divide (stafrænn mannamunur) hér kallað DD vísar til mismunar í aðgengi fólks að upplýsingatækni nútímans [1]. Um er að ræða mismun á aðgengi að internetinu, samskiptatækni s.s. farsímakerfum og tölvutækni almennt við leik og störf ásamt tækifærum og hæfni til að tileikna sér upplýsingatækni [2]. Hugtakið digital divide, stundum kallað digital split, varð vinsælt hjá fræðimönnum, stefnumótandi aðilum og hópum sem varðaði málefnið á síðari hluta 10. áratugar síðustu aldar [3].

Tilgangurinn með þessari grein er að fjalla um þær breytingar sem orðið hafa á upplýsingatækninni til hagsbóta fyrir hótel og veitingahús sem eru farinn að nýta sér hana í auknum mæli. Fjallað verður um hvernig hótel og veitingahús geta nýtt sér til spjald tölvur og snjallsíma væðinguna. Fyrsti hlutinn er um forsöguna, til að átta sig á hvað var notað áður en spjaldtölvurnar (e.tablet) og snjallsímarnir (e.Smartphone) urðu svona útbreiddir. Síðan verður aðal umfjöllunarefnið hagnýting spjaldtölva og snjallsíma fyrir hótel og veitingarekstur. Einnig verður skoðað hvaða áhrif þetta hefur haft og mun hafa í framtíðinni og hvernig rekstraraðilar sjá framtíðina fyrir sér.

Sýndarveruleiki er þegar notandi sekkur sér inn í tölvugert umhverfi sem gefur honum tilfinninguna að hann sé staddur í sýndarumhverfinu frekar en raunverulegu umhverfi sínu. Tölvuleikir hafa nú þegar þróað með sér tækni til að færa notandann inn í gagnvirkt umhverfi þar sem hann er t.d. að keyra rándýran bíl eða á vígvellinum í fyrstu persónu skotleik. Engu að síður veit notandinn alltaf að hann er aðeins áhorfandi sem stjórnar viðburðum í umhverfinu sem er tölvuleikurinn. Markmið með sýndarveruleika er að taka næsta skrefið í þessari þróun og skapa gagnvirkt umhverfi þar sem notandi getur tekið skrefið inn í sýndarveruleikan og hreyft sig án hamla og haft áhrif á það sem gerist í sýndarheiminum.

Mikið er talað um öryggi á vefnum og þá oftar en ekki þá grípa með til SSL sem aðferð til að tryggja sitt öryggi og öryggi þeirra gagna sem er að fara á milli notenda og vefsins sem þeir eru að nota hverju sinni.  Fyrir flesta þá er þetta gagnsætt ferli, þegar heimsóttur er vefur sem vil SSL öryggi þá kemur HTTPS:// fremst í slóðina, oft með litlum lás fyrir framan. En vandamálið er að SSL er ekki bara SSL heldur er hægt að velja hvaða öryggisstaðla skal nota sem hafa þróast mikið á undanförnum árum. Þannig að SSL er ekki bara SSL heldur líka hvaða útfærslu af SSL viðkomandi vefsvæði notar.

Dr. Kristinn R. Þórisson, dósent við tölvunarfræðideild HR og stjórnandi Vitvélastofnunar Íslands, birti ásamt samstarfsmönnum sínum, grein á alþjóðlegri ráðstefnu í Portúgal í sumar. Í ritgerðinni er tímamótarannsóknum á sviði gervigreindar lýst, þar sem sýndarvélmennið S1 er í aðalhlutverki.

Heilmyndir (e. Hologram) hafa um langt skeið verið þekktar í vísindaskáldskap en uppfinninguna má rekja aftur til fimmta áratugsins til bresk-ungverska eðlisfræðingsins Dennis Gabor [1]. Í dag eru heilmyndir notaðir víða í listrænum tilgangi hjá tónlistarfólki, í kvikmyndum og víðar.

Mikil aukning hefur verið á tölvuteiknuðum bíómyndum síðastliðinn áratug en hver mynd getur tekið á bilinu 3-5 ár að framleiða með öllu þar sem að vinnan sem fer í að teikna heiminn og karakterana er gríðarlega mikil. Listamennirnir vinna í teymum við misjöfn verkefni. Það þarf að teikna upp allan söguþráð myndarinnar til að sjá hvort að myndin sé ekki heilsteypt og flæði vel, einnig kallað að gera "storyboard". Aðrir sjá um að "módela", lýsingu, skugga, liti og margt fleira.

Yngvi Björnsson er ný tekinn við sem forseti tölvunarfræðideildar Háskólans í Reykjavík (HR) en hann lauk doktorsprófi í tölvunarfræði árið 2002 frá Háskólanum í of Alberta, þar sem hann starfaði í framhaldinu þangað til hann kom til stafa við HR árið 2004. Tölvunarfræðideild HR er stærsta tölvunarfræðideild landsins og gegnir því lykilhlutverki í menntun tölvunarfræðing á Íslandi. Mér þótti því áhugavert að heyra um framtíðarsýn hans á nám í tölvunar- og upplýsingafræði hér á landin og lagði fyrir hann nokkrar spurningar.

Í pistli sem birtist í vefútgáfu Tölvumála í ágúst 2013 (Sigrún Helgadóttir 2013) var greint í stórum dráttum frá vinnu við máltækni á Íslandi frá síðustu aldamótum. Sérstaklega var greint frá verkefninu META-NORD. Í tengslum við það verkefni var komið á fót sérstöku vefsetri http://www.málföng.is. Þar eru nú aðgengileg margvísleg málföng. Í tengslum við verkefnið voru einnig skráð lýsigögn um 23 málföng í sérstaka META-SHARE gagnahirslu (http://metashare.tilde.com/). Eins og greint var frá í vefgreininni er orðið málföng nýyrði, þýðing á enska heitinu language resources og er myndað með hliðsjón af orðunum tilföng og aðföng. Í þessari grein verður sagt frá helstu málföngum sem eru aðgengileg á http://www.málföng.is.