Íbúar landa á Evrópska efnahagssvæðinu (EES) hafa aðgang að almannatryggingum  hvar sem er á EES svæðinu. Vegna þessa hafa almannatryggingastofnanir landanna, s.s Tryggingastofnun (TR), með sér samstarf og skiptast á skjölum og upplýsingum við afgreiðslu mála. Samskiptin hafa farið að mestu fram með svokölluðum E-vottorðum sem send eru í bréfapósti. Um 200 tegundir af E-vottorðum hafa verið í notkun. Dæmi um E-vottorð eru tilkynning um ákvörðun varðandi umsókn um lífeyri (E-210)  og vottorð um tímabil sem skal taka tillit til við úthlutun atvinnuleysisbóta (E-301).

Eins og flestir hafa kynnst er Internetið hafsjór upplýsinga. Margir kannast við hið fræga Technet sem Microsoft heldur úti og kennir þar ýmissa grasa. Hér hafa verið teknir saman nokkrir punktar bæði af þeim ágæta vef og úr reynslubanka höfundar sem varða það hvernig samstilling eða samkeyrsla gagna fer fram í Active Directory (e. active directory replication). Þetta er efni sem ekki margir kynna sér. Það getur verið vegna tímaskorts eða af öðrum ástæðum. En fróðlegt er að skoða aðeins nánar hvernig lénastjórar (e. domain controllers) tala sín á milli og hvernig þeir fá upplýsingar um breytingar sem gerðar eru í Active Directory umhverfinu.

/sys/tur er félag kvenna innan tölvunarfræðideildar Háskólans í Reykjavík. Félagið var stofnað í haust af Áslaugu Eiríksdóttur, Elísabetu Guðrúnar- og Jónsdóttur, Helgu Guðmundsdóttur og Ingibjörgu Ósk Jónsdóttur, nemendum við Háskólann í Reykjavík. Markmiðið með stofnun /sys/tra er að skapa vettvang fyrir stelpur þar sem þær geta fjallað um nördalega hluti án þess að hafa áhyggjur af því að fá á sig ljóskustimpilinn. Félagið er opið öllum stelpum innan tölvunarfræðideildarinnar.

Eins og góðkunnugt er þá hefur á undanförnum árum átt sér stað bylting í þróun símtækja með tilkomu snjallsímans. Snjallsímar virðast vera orðnir þungamiðja í daglegum samskiptum fólks og virðast margir vart geta slitið sig frá tækinu meira en 10 mínútur í senn - ef marka má tilkynningar tæknirisans IBM á fréttamiðlum landsins. Í snjallsíma hefur einstaklingur tölvu, síma, dagbók, GPS tæki, tónlistaspilara, myndavél, leiktæki og tækifæri til skilaboðasamskipta - allt í vasanum. Sumir hafa gengið svo langt að segja að á næstu árum muni nánast allt fara í gegnum farsíma og að þeir muni jafnvel taka við af tölvum þegar kemur að einkanotkun (Anthony, 2012).

Það er áhugavert að hugsa um þau andstæðu áhrif sem upplýsingatækni hefur á sakamál. Önnur hliðin er sú að rannsakendur lögreglu hafa fengið sífellt öflugri tæki upp í hendurnar til þess að hafa hendur í hári glæpamanna. Hin hliðin er sú að glæpamenn hafa fundið sífellt fleiri leiðir til þess að fremja glæpi. 

Fyrr í þessum mánuði birti samfélagsrisinn Twitter ítarlegt uppgjör fyrir síðasta ár. Líkt og við var að búast kom bróðurpartur hagnaðarins frá auglýsingasölu, en falinn ofan í skýrslunni var annar tekjuliður sem vakti athygli margra. Um 15% tekna Twitter koma frá ört vaxandi aukabúgrein samfélagsmiðla, sölu notendaupplýsinga (Dwoskin, 2013).  Það er kannski ekki að undra að fyrirtækið hafi fundið þarna tekjulind. Í raun má líta á samfélagsmiðla sem risavaxna gagnagrunna þar sem milljónir manna gefa upp nákvæmar persónuupplýsingar svo sem aldur, kyn, atvinnu, fjölskylduhagi, búsetu og fleira, auk þess að tengja sig inn á net vina og vandamanna sem gefa einnig upp svipaðar upplýsingar. Notendur gefa svo jafnóðum ítarlegar upplýsingar um sitt daglega líf, hvernig þeim líður, hvaða viðburði þeir sækja, hvert þeir ferðast og hvað þeir kaupa.

Á síðustu árum hefur það færst í aukana að skólar og sérfræðingar eru byrjaðir að vinna með Ipad spjaldtölvur í kennslu sinni. Finnst mér það frábær þróun þar sem að spjaldtölvur eru frábært kennslutæki þrátt fyrir að Ipadinn hafi ekki verið hannaður með það í huga að vera kennslutæki. Börn allt niður í tveggja ára gömul eru farin að kunna á spjaldtölvur, sem er bara frábært að mínu mati þar sem fínhreyfingar þeirra örvast við notkunina þar sem að fingurnir eru eingöngu notaðir. Til eru mörg þúsund kennsluforrit fyrir Ipad sem eru hönnuð með það markmið að efla hugrænan þroska barna, efla skynfærin og þjálfa fínhreyfingar þeirra. Ég vona að framvindan verði sú að það verði komnar spjaldtölvur í sem flesta leik- og grunnskóla á næstu árum. Ég veit til þess að það eru nú þegar nokkrir leik-og grunnskólar komnir með spjaldtölvur. Ég tel að spjaldtölvur hafi frábær áhrif á börn, að hann efli þau í leik og starfi og hafi góð örvandi áhrif á skynfæri þeirra.  

Tölvuvæðing er allsráðandi í samfélaginu nú til dags og hefur skólakerfið verið tölvuvætt hægt og rólega í takt við það. Í fyrstu var tölvukennslu einungis beint að unglingum en hefur færst til yngri stiga á undanförnum árum og eru nú einnig flestir leikskólar farnir að nýta sér tölvur í þroskaverkefnum barna. Sumum þykir þetta jákvæð og góð þróun á meðan aðrir eru þvert á móti þessu. En hvaða áhrif getur tölvunotkun haft á þroska barna?

Oft getur tölvutæknin nýst vel í námi og leik, en ekki síður getur tölvutæknin nýst til að aðstoða þá sem stríða við heilabilun eða aðra minnistengda sjúkdóma, sem gera fólki erfitt fyrir að lifa sjálfstæðu lífi. Undanfarin áratug hefur verið vaxandi áhugi hjá heilbrigðisgeiranum og hugbúnaðarsérfræðingum að þróa tækni sem getur aðstoðað fólk með skerta minnishæfileika eða aðra fötlun til að lifa sjálfstæðu lífi.  Fólk sem þjáist af heilabilun eins og t.d. alzheimer þarf oft mikla aðstoð við daglegt líf. Það þarf að skipuleggja dagana og mánuðina eins og t.d. læknisheimsóknir, sjúkraþjálfun, æfingar og daglegar athafnir sem þarf að framkvæma  og minna svo viðkomandi á allt saman reglulega svo ekkert gleymist.  

Bylting tölvutækninnar síðustu 30 árin eða svo hefur breytt mörgu í okkar daglega lífi og þá aðallega framþróun veraldarvefsins sem hefur haft mikil áhrif á samskiptahætti, neyslu og atvinnu okkar. Ein birtingarmynd þess er hve neysla almennings á tónlist hefur breyst mikið. Flestir eru með hörðu diskana sína, I-poda og jafnvel snjallsíma troðfulla af tónlist, myndum og öðru efni sem það hefur sótt á veraldarvefinn og í flestum tilfellum ólöglega. En hvernig hófst þetta allt saman?